成為祢手中美好的工作

其實我真係唔知點解

唔知點解OCamp裡面可以咁深體會到神同在；

唔知點解OCamp唔係淨係玩，仲包括敬拜同分享；

唔知點解OCamp唔係淨係有笑，仲可以有淚；

唔知點解隔離組唔係敵人，係弟兄姊妹。

我更加唔知點解

唔知點解入左SPACE Christian Fellowship既OCamp；

唔知點解做左組媽去服侍組仔女；

唔知點解大家可以同識左2日既人分享自己既痛苦；

唔知點解關係咁奇妙，我可以建立別人，同時別人又可以建立我；

唔知點解天父比我呢個機會去事奉；

唔知點解上帝放左一群人既生命在我雙手。

其實我知道，
一切都係出於神。



去年好黑暗，失去左好多
呢一刻我終於知道點解我要走過呢段日子

祢破碎我一切 卻換上更多恩惠
榮耀路徑必有淚涕


難過既日子係神既祝福
我既生命經歷唔只係屬於我
我可以用自己既痛苦，走過的路，成為上帝流通既管子去祝福別人

記得去年我話過
今年我唔諗其他野，我要不見一人，只見耶穌
我又話過
好想成為祢手入面美好既工作

大半年後既今日，我做到了
多謝祢用我
將榮耀歸給祢。