眠

每次，過左凌晨1點訓就要一覺訓到中午
9個鐘呀唉
過份休息

本來諗住搵translate既資料同做report都冇做到：（
兩個早晨都用左黎訓覺
完全係浪費時間！

我唔要再咁夜訓覺！

疑問

原來我們真的不能夠無時無刻都"講耶穌"
即使在弟兄姊妹面前　:(
究竟，肢體要怎樣相交？

雖然今日談論的不是我，
我也開始認真地想，
究竟，怎樣的分享才算是適可而止？

我知道，每個人都不一樣
上帝不會希望我們每人都倒模般似的

即使我們都是祂的門徒
但是每個人的信心都有高低起跌的時候
當有這樣的情況出現時，
大家可以怎樣憑信心互相幫助呢？

我開始明白到事奉的難處。

如果連事奉的人的心都不在祢裡面合一的話，
我們事奉的果效會是怎樣呢？

我需要幫助。

當我開始這樣想的時候，
上帝，唯有祢體恤我們吧

息事．寧人

一些感想

先講息事，其實是休息
與一些姊妹傾談
大家都認同愈忙，愈要休息
這樣才會事半功倍
是的，我們需要操練安靜

寧人
當滿城風雨的時候
更要合上自己的嘴巴
即使爭回一口氣，又如何呢

開始．忙

才九月頭
已經開始忙起來了
一想到這個星期就有點惆悵

星期一　中秋正日　賞月在屯門
星期二　與小學同學追月
星期三　校友中樂團排練
星期四　校友中樂團排練
星期五　演出
星期六　一早教瑪利諾，再回沐恩幫忙分組排練
星期日　崇拜，排練，大伙兒看電影

本來還要約組仔女re-u的
可是，我已經沒有時間了

我開始明白牧師口中「恩典太沉重」的意思。

當然很希望每樣事情都做好
尤其是在建立關係方面，
我不希望自己顧此失彼
愈來愈不願意察覺到的是一個個人漸漸淡忘在我腦海裡

求天父給我恩典上加恩典
再提醒我
我所做的不是做給人看
是為神所做。

9/9/2011

1 開sem差唔多一星期
差一科未上...
暫時上左既都幾中意 又覺得好實用
而且同學仔都好好
有一個仲係主內姊妹tim
繼續祈求上帝比適合既grpmates我=)

2 總係成日聽到身邊有好多人討論邊個lecturer係killer,
或者係邊個派grade
我都係盡量按捺自己少發言。
原因有好多最主要係我希望自己同別人既目光都唔好只放係GPA度。
 
3 仍要關心仔女，關心仔女，
唔想遲下因為自己開始多野做 身心疲累就冇左呢個動力
等到我醒覺先發現原來個bonding已經冇左
天父，繼續開我眼比我睇到佢地既需要。



4 仲有le
最近天父突然比左我好多機會去同人分享
每次都愈講愈亂，因為恩典太多，不知從何說起
我覺得我有必要盡快去整理中七放榜以後自己身上發生既事

都提下自己，
唔係身邊既人需要我
係佢地都需要上帝幫助


上山之後，總要落山。

開sem

明天就開sem了
我知道這是很關鍵的一個sem
話唔驚係假既

只是
我可以做的其實很少
就係盡力。
因為賜種和結果都是出於天父爸爸

未來一年
我只希望用開放的態度去過，
與祢同工，
每天都有安靜的時間。

成為祢手中美好的工作

其實我真係唔知點解

唔知點解OCamp裡面可以咁深體會到神同在；

唔知點解OCamp唔係淨係玩，仲包括敬拜同分享；

唔知點解OCamp唔係淨係有笑，仲可以有淚；

唔知點解隔離組唔係敵人，係弟兄姊妹。

我更加唔知點解

唔知點解入左SPACE Christian Fellowship既OCamp；

唔知點解做左組媽去服侍組仔女；

唔知點解大家可以同識左2日既人分享自己既痛苦；

唔知點解關係咁奇妙，我可以建立別人，同時別人又可以建立我；

唔知點解天父比我呢個機會去事奉；

唔知點解上帝放左一群人既生命在我雙手。

其實我知道，
一切都係出於神。



去年好黑暗，失去左好多
呢一刻我終於知道點解我要走過呢段日子

祢破碎我一切 卻換上更多恩惠
榮耀路徑必有淚涕


難過既日子係神既祝福
我既生命經歷唔只係屬於我
我可以用自己既痛苦，走過的路，成為上帝流通既管子去祝福別人

記得去年我話過
今年我唔諗其他野，我要不見一人，只見耶穌
我又話過
好想成為祢手入面美好既工作

大半年後既今日，我做到了
多謝祢用我
將榮耀歸給祢。