最好的給我最好

如經上所記：“神為愛他的人所預備的，是眼睛未曾看見，耳朵未曾聽見，人心也未曾想到的。”

林前2:9


以往睇呢句經文
只知道神為我預備既好豐富，好奇妙
但係，
究竟豐富到一個點既地步？
咩係我自己未曾想到，神就已經為我預備好？

即係咁，譬如話，
未來既日子我會食到想食好耐既餐廳，
會睇一本我早已感興趣既書，
什至，可能會得到一個渴望已久既學位
感恩係理所當然既
但，
神為我預備既就只係呢ｄ？
全部都係我已經一早諗過晒既野？

唔係，我相信神唔係咁簡單
其實
我一早已經對呢ｄ事物心生渴求，曾經諗過有機會得到佢地
再講，呢ｄ野已經存在緊
而且我都知道我想要，
得到或者得唔到，可能只係方法既問題

但係，
神預備給我地既，完全唔係呢個level，
可以完全同我地自己既渴望毫冇關係
大纜都扯唔埋
真真正正地，諗都冇諗過會得到
什至連我地都唔知自己想要個樣野

當上帝將呢樣野交到你手中既時候，
就會驚嘆，乜原來我一直都咁需要呢樣野而我自己唔知道
原來天父真係比我更了解我
呢個經歷好正！

我要承認我真係冇可能了解上帝：）
多謝祢