沒寄出的那一封

你:

你試過給我幸福宇宙
轉眼讓我危地裡洗傷口
全身傷透再做朋友...?

點解要道歉? 為乜野道歉?
點解突然又要出現?
點解要4個月之後同我講"對唔住呀"?
你知唔知一句突如其來既道歉可以令好多痛苦倒流?
講完之後你自己好過? 定覺得我會好過?

最初分手個陣我係好想得到你既道歉
但時間愈耐
我已經唔記得 控制到自己唔再諗
我平靜了 我為自己努力
我接受左現實 我很好
我原諒 冇恨 都冇怨 已經唔需要道歉
但事隔4個月比個道歉我即係點呀?
我唔知 同埋我一世都唔想知呢句"對唔住"係咩意思!

我一直以為原諒左就可以再面對你
其實你呢個"朋友"好難得 我都想修補
我腦裡面諗左一百次 如果有機會聯絡應該可以做番普通朋友
但係當我收到你個msg之後
我發現我唔可以 什至我恐懼

間唔中諗起一段經文 都好痛苦
到底要唔要和好?
直到琴日先知道唔關怨恨既事
問題係我根本承受唔到
我竟然連一句"對唔住"都接受唔到
呢個係我心靈入面最誠實既感覺...

你到底明唔明 幾個月前到底發生左咩事?
其實就似 你親手殺死左 當日可以面對你既我
而家既我 連一個簡單既回覆都做唔到
即使原諒左 仍然面對唔到你呀
傷害有幾大 你明白嗎?
你認為我可以好好面對你嗎?

好可怕既四個字
我唔知原來內傷咁深
原來醫治需要咁長時間

其實我不要道歉
我想我療傷時 你不要撩我的傷。


我.