小信的人

今生最重要的不是要你成就什麼，而是你要變成一個怎樣的你。

一直以來我都好擔心自己既方向好羨慕好多人既生命
覺得自己唔知可以做咩咁

我希望神幫我成就"自己"
眼見其他人有好多"成就"
於是我就求.."主耶穌..我都好想好似佢地咁
有好多事奉崗位, 有機會做呢樣, 做個樣去榮耀祢"

一邊閱讀在書展買的屬靈書籍.."活出神心意中的我"
一邊自我反省
突然發現
原來自己的信心是如此微小

原來我係要成為"神心意中的自己"..
但係我從來都唔知一個符合神心意既生命究竟係點
好多道理我都明
識講比人聽, 又識講番比自己聽
但係點解我唔覺得自己有突破呢?

我好似唔係好信神確實關心我既幸福
唔係好信神會係患難挫折之中祝福我
唔覺得自己既過去 現在同將來可以榮耀神..
又唔係好信神揀比我的路係獨一無二 最適合我
好多好多...半信半疑

好似交左自己係天父手中
但係我又死握住唔放..
一直都活在呢種"膠著既狀態"之中
一路睇呢本書..
心裡面不斷驚呼: "乜原來生命可以係咁!!"

我真係好期待
睇完本書個陣我會成長到咩地步呢?

錯

每隔2,3個月情緒就會突然之間好低落
迫自己唔可以喊既話就會好壓抑
我真係唔識處理
有邊個可以幫到我?

就算耶穌已經原諒左我做過既事
什至乎赦免連我自己都接受唔到既錯
我都接受唔到自己
個段記憶不斷係我腦入面徘徊
我覺得好內疚同羞恥

我一直唔敢同人講
知情者只有一個唔係基督徒既朋友
我真係唔敢坦承呢個錯

大半年了
我仍然活係罪疚入面
一次又一次認罪...
祢何時領我出曠野?

第一次走入人群，請差遣我

天天的努力去搶救靈魂，誰可替我做到？


感謝主使用孩子 : )

上星期晚堂 知道教會星期2會到粉嶺官小派禮物
聖靈感動我 我知道我要去

於是..第一次跟教會走入人群
去撒福音既種子

雖然唔係完整咁講福音比小朋友聽
什至連"耶穌"兩個字都冇提及過
只係好簡單..派禮物 講故事 玩問答遊戲
但係見識左好多
粉嶺官小係一個好大既禾場
冇諗過主會比我地進入一間官立小學

呢個活動對我自己既意義好大
經過呢兩個鐘..
發覺自己真係好喜歡小朋友
天父, 感謝祢幫孩子搵番對小孩子既愛心
如果天父的心意係要我服侍小孩子
求祢在禱告中話我知
我會在日常留心聽聖靈既聲音: )

完結既時候
傳道人既禱告講到..主需要僕人去入禾場收莊稼
眼睛立即濕潤了...
我不願再做屬靈bb..要走入禾場 為祢去收取莊稼

傳福音既工作..
除了祢的兒女..還有誰可以做到?


請差遣我。

冷靜如我

發生了一些事
我不知道那算是大事或小事
我只知道我很 冷 靜
什至是太 冷 靜

我討厭被威脅
絕大部分情況下 我不受威脅
無論拿什麼來要脅我
我都可以不當一回事

面前的景象 不只見過一次
我 冷 靜 得不得了
彷彿無論下一秒發生什麼
我也只能維持這個狀態

秒與秒之間 有一絲恐懼 我想起一個人
轉念 然後沒有了

明白
任何時候我們可以想起任何事任何人
然而 在緊急關頭
能完全依賴的 只有自己 還有神


這告別要是忍得到
在未來任何事也可以承受到 成熟到
不再問你哪裡有我的去路

是我用真實的編造了謊言

痛的感覺
每隔一段日子就會回燃

在夢中
卻比真實還要真實

你是我的夢魘
直到_____



每次我一覺醒來
原來我早已醒來

All I want...

lifestyle like this

轉身以後，與我無關的事

今天是高考放榜的日子
請原諒我的「不關心」 我只能從心底裡祝福

我不想腦內再上演去年今日那一幕
自那天證實我的天真就如沙堡壘
美夢開始告吹

正式用自己兩腿去走每一寸
是有點吃力
是有點酸
還不是靠我的手手腳腳 身邊的人 環境
加上恩典去過?
即使面前是驚濤駭浪 又如何

如果繼續再原地轉
就永遠沒法看見下一步的風景

向前走需要力氣
當初選擇了一個轉身向另一方向前進
那就繼續去
如果因為戀舊->回頭->原地轉-->痛苦-->再嘗試往前-->回頭
這樣萬劫一復的循環
每一次只會換來更大的痛苦
最後連嘗試向前的力氣都沒有

轉身以後
一切與我無關

你終於都不再窺伺我的生活
而我的不快樂也不用你來幫我解決
因為你的回眸已不能安慰我

講男 ch.1

有點不喜歡某個人

其實也不是對方做了什麼得罪我
只是不知何時開始
他的每一個行為總是讓我覺得很煩厭

我總是受不了那些
太小心眼 做事太慎密的男生

也不是要粗枝大葉
總之呢我覺得
大刺刺
不經意地瀟灑
加上少許隨便
才應該是正常的男人囉

請等等

一個好關心我既長輩同我講
佢模糊既記憶入面
有次係某個場合見到我同某人
當下突然覺得我同佢可以發展下
叫我諗諗佢

我只好陪笑: )

面對呢個長輩 冇咩唔講得
老實同佢講
我唔係冇諗過呢個人
不過 已經係好耐之前既事喇

再諗諗佢 唔係冇可能
不過 一切要過左2011先
因為我和天父有個約定。
我真係唔急
要先了解自己 要從容 要優雅




其實 已經係第二個人同我講

游水

去完墾丁番黎之後
我就知道自己係陽光與海灘d frd
雖然我同大部分女仔一樣
都係想自己皮膚白d
但係我真係冇辦法抗拒陽光同海既魅力

真係好想學游水
點解呢
因為我係個勁怕出汗既人
游水係唯一一樣我覺得最舒服
最唔怕熱 最唔會出汗既運動
(話說回來 我已經有成半年冇做過運動...)
但偏偏我就係唔識!!!

細個個時爸爸有教過我 不過冇逼我一定要學識
小學個時都曾經學過一個暑假
結果 曬到黑炭咁卻依然唔識

前幾日陪朋友去泳池游水
本身係諗住去浸下
去到佢話得佢自己一個游好冇癮
提議教我游
點知 試左幾次
半個鐘之後就比我學識左 yeahhhhhhh

於是 4日入面有3日都去左游
好爽: )
不過發現自己身體真係差到爆炸
好易累 又唔夠氣
游唔夠半個嬉水池就要抖...
姿勢又未算好好 慢到死
還有要學踩水
學識踩水我先唔會死 哈哈

要快d熟習蛙泳
我將來要挑戰水上活動
ROARRRRRRRRRRRR!!!!

----------------------------------------------------------------------------
在水中央

是一個無聲音的世界